పిఠాపురం ఎమ్మెల్యేకు సీఎం జగన్ బుజ్జగింపులు.. కీలక హామీ

దిశ, వెబ్ డెస్క్: పిఠాపురం నుంచి వచ్చే ఎన్నికల్లో వైసీపీ నుంచి వంగా గీతను రంగంలోకి దింపుతున్నారు. దీంతో సిట్టింగ్ ఎమ్మెల్యే పెండెం దొరబాబు తీవ్ర అంసతృప్తిగా ఉన్నారు. ఈ మేరకు సీఎం జగన్ మోహన్ రెడ్డి బుజ్జగింపులకు దిగారు. తాడేపల్లి క్యాంపు కార్యాలయంలో ఎమ్మెల్యే పెండెం దొరబాబుతో భేటీ అయ్యారు. పిఠాపురం గెలుపు చాలా ప్రతిష్టాత్మకమని.. వంగా గీతతో సమన్మయం చేసుకోవాలని సూచించారు. ఎన్నికల్లో గెలిచి అధికారం చేపట్టిన తర్వాత కీలకమైన పదవి ఇస్తామని దొరబాబుకు సీఎం జగన్ కీలక హామీ ఇచ్చారు. పిఠాపురం నియోజకవర్గంలో వంగా గీతకు సహకరించాలని ఆదేశించారు. దీంతో పెండెం దొరబాబు సానుకూలంగా స్పందించారు. వచ్చే ఎన్నికల్లో వంగా గీతకు సహరిస్తానని సీఎం జగన్‌కు తెలిపారు. ఈ పరిణామంతో పిఠాపురం వైసీపీ పంచాయితీకి తెరపడింది. దీంతో పవన్ కల్యాణ్‌పై విజయం సాధించేందుకు తొలి మార్గం సుగుమం అయిందని ఆ పార్టీ నాయకులు భావిస్తున్నారు. మే 13న జరగనున్న ఎన్నికల్లో పిఠాపురం నియోజకవర్గంలో ఎలాంటి పరిణామాలు చోటు చేసుకుంటాయో చూడాలి.